എന്തുകാര്യവും പഠിയ്ക്കണമെങ്കില് നമുക്ക് മുന്നറിവുകള് അഥവാ ശേഷികള് വേണമല്ലോ. അതുകൊണ്ടുതന്നെ ഈ അദ്ധ്യായം പഠിയ്ക്കുന്നതിനുവേണ്ട മുന്നറിവുകള് താഴെ കോടുക്കുന്നു . ഈ മുന്നറിവുകള് അഞ്ചുമുതല് ഒമ്പതുവരെയുള്ള ക്ലാസുകളിലെ സിലബസ്സിനെ അടിസ്ഥാനമാക്കിയാണ്.അതിനാല് ഈ അറിവുകള് നേടിയാല് മാത്രമേ പത്താം ക്ലസ്സിലെ ഈ അദ്ധ്യായം പഠിയ്ക്കാന് സാധിയ്ക്കുകയുള്ളൂ. ഈ മുന്നറിവുകള് ഇല്ലെങ്കില് അവ പ്രസ്തുത ക്ലാസ്സിലെ പുസ്തകത്തില് നിന്ന് അവ നേടുക . ഇതു ചെയ്തില്ലെങ്കില് മുന്നറിവുകള് നല്കുന്ന ശേഷികളുടെ അഭാവം നിങ്ങളില് പ്രകടമാകും.അത് സുഗമമായ പഠനത്തില് വിരസത ഉണ്ടാക്കുകയും അതുവഴി പഠനത്തെ തടസപ്പെടുത്തുകയും ചെയ്യും .
മുന്നറിവുകള്
1.താപം ,താപനില എന്നിവ തമ്മിലുള്ള വ്യത്യാസം
ഉദാ:- തെര്മോമീറ്റര് ഉപയോഗിച്ച് പനി അളക്കുമ്പോള് അവിടെ രേഖപ്പെടുത്തുന്നത് താപമാണോ അതോ താപനിലയോ ?
(ചോദ്യങ്ങള്ക്ക് ഉത്തരം പറയുവാന് സാധിച്ചാല് അക്കാര്യം അറിയാമെന്നുവിചാരിയ്ക്കാം.)
2.താപനില അളക്കാന് ഉപയോഗിയ്ക്കുന്ന യൂണിറ്റുകള് --
ഉദാ:- പൂജ്യം ഡിഗ്രി സെല്ഷ്യസ്, 100 ഡിഗ്രി സെല്ഷ്യസ്, 37 ഡിഗ്രി സെല്ഷ്യസ് ,പൂജ്യം കെല്വിന് ,273 കെല്വിന് ,373 കെല്വിന് എന്നിവയുടെ പ്രത്യേകതകളെന്ത് ?
3.ഗതികസിദ്ധാന്തം
ഉദാ:-താഴെ പറയുന്ന പ്രസ്താവനകള് ശരിയോ തെറ്റോ എന്നു വ്യക്തമാക്കുക.തെറ്റുണ്ടെങ്കില് അതിന്റെ കാരണം വിശദമാക്കി തിരുത്തുകയും ചെയ്യുക
( a ) വസ്തുവിനെ ചൂടാക്കുമ്പോള് തന്മാത്രകളുടെ ഗതികോര്ജ്ജം വ്യത്യാസപ്പെടുന്നില്ല.
( b ) ഖരാവസ്ഥയിലാണ് തന്മാത്രകള്ക്ക് ചലനസ്വാതന്ത്ര്യം ഏറ്റവും കൂടുതല്
( c ) തന്മാത്രകളുടെ ഗതികോര്ജ്ജം കുറഞ്ഞാല് ദ്രാവകം വാതകമായി മാറുന്നു.
4.തിളനില ,ഖരണാങ്കം,ദ്രവണാങ്കം,തിളയ്ക്കല് ,ദ്രവീകരണം ,ബാഷ്പീകരണം
ഉദാ:- (1) താപം എന്ന അദ്ധ്യായത്തില് നിന്ന് ഒരു സെമിനാര് അവതരിച്ചപ്പോള് ബിനുവും ലാലുവും തമ്മിലൊരു തര്ക്കം ഉണ്ടായി. ‘പൂജ്യം ഡിഗ്രി സെല്ഷ്യസ് ‘ എന്നത് ജലത്തിന്റെ ഖരണാങ്കമാണെന്ന് ബിനുവും അതല്ല മഞ്ഞുകട്ടയുടെ ദ്രവണാങ്കമാണെന്ന് ലാലുവും വാദിച്ചു. ഏതാണ് ശരി? സെമിനാര് അവതരണവേളയില് മോഡറേറ്ററായിരുന്ന മിനിടീച്ചര് എങ്ങനെ ഈ പ്രശ്നം ശരിയായ രീതിയില് കൈകാര്യം ചെയ്തീട്ടുണ്ടാകും?
ഉദാ:-(2) വെള്ളം എത്രതന്നെ തിളപ്പിച്ചാലും അതിന്റെ തിളനില 100 ഡിഗ്രി സെല്ഷ്യസ്സില് നിന്ന് ഉയരാത്തതെന്തുകൊണ്ട് ?
ഉദാ:-(3) നനഞ്ഞ തുണി തണലത്തിട്ടാലും ഉണങ്ങുന്നതെന്തുകൊണ്ട് ?
ഉദാ:-(4) കാറ്റത്തിട്ട നനഞ്ഞ തുണി വളരേ വേഗത്തില് ഉണങ്ങുന്നതെന്തുകൊണ്ട് ?
5.അന്തരീക്ഷമര്ദ്ദം
ഉദാ:- (1) ഉയരം കൂടിയ പര്വ്വതങ്ങളുടെ മുകളിലെത്തുമ്പോള് നമുക്ക് ശ്വസിയ്ക്കാന് ബുദ്ധിമുട്ടനുഭവപ്പെടുന്നതെന്തുകൊണ്ട് ?
ഉദാ:-(2) ഉയരം കൂടിയ പര്വ്വതങ്ങളുടെ മുകളിലെത്തുമ്പോള് ചിലര്ക്ക് മൂക്കില്ക്കൂടി രക്തസ്രാവം ഉണ്ടാകുന്നതെന്തുകൊണ്ട് ?
ഉദാ:-(3) ഉയരം കൂടിയ പര്വ്വതങ്ങളുടെ മുകളില് വെള്ളം തിളപ്പിയ്ക്കുമ്പോള് പാത്രം തുറന്നുവെയ്ക്കരുതെന്നു പറയുന്നതെന്തുകൊണ്ട് ?
ഉദാ:-(4) വായു നിറച്ച ബലൂണ് വെയിലത്തുവെച്ചാല് പൊട്ടുന്നതെന്തുകൊണ്ട് ?
ഉദാ:-(5) വായു നിറച്ച ബലൂണ് കൈയ്യില്വെച്ച് അമര്ത്തിയാല് പൊട്ടുന്നതെന്തുകൊണ്ട് ?
ഉദാ:-(6) പ്രഷര്കുക്കറില് ഭക്ഷണം വേവാന് അധികസമയമെടുക്കാത്തതെന്തുകൊണ്ട് ?
Monday, April 30, 2007
Sunday, April 29, 2007
1. പത്താം ക്ലാസുകാര്ക്ക് വെക്കേഷന് ക്ലാസ്സുകള് തുടങ്ങാറായി
പലസ്ക്കൂളുകളിലും മേയ് ആദ്യവാരത്തില് തന്നെ പത്താം ക്ലാസുകാര്ക്ക് വെക്കേഷന് ക്ലാസുകള് ആരംഭിയ്ക്കുന്നതാണ് . പക്ഷെ ,പല കുട്ടികളും വെക്കേഷന് ക്ലാസുകള് ഗൌരവമായി എടുക്കാറില്ല. അത് വലിയ ദോഷം ചെയ്യും. വെക്കേഷന് ക്ലാസിനുവേണ്ടീയുള്ള തയ്യാറെടൂപ്പില് ടെക്സ്റ്റ് ബുക്കുകളും നോട്ടുബുക്കുകളുമൊക്കെ ഉള്പ്പെടുന്നു.എല്ലാ വിഷയത്തിലേയും ആദ്യത്തെ അദ്ധ്യായങ്ങള് ഒന്നു വായിച്ചതിനുശേഷം ക്ലാസിലേയ്ക്കു പോകുക.(സ്ക്കൂള് കോ-ഓപ്പറേറ്റീവ് സൊസൈറ്റിയിലൊക്കെ പാഠ പുസ്തകങ്ങള് എത്തിയിട്ടുണ്ടാകും ) പുതിയൊരു അദ്ധ്യയന വര്ഷത്തിന് ആശംസകള് നേരുന്നു.
Subscribe to:
Posts (Atom)