Sunday, September 14, 2008

109. ശ്രീ രമേഷ് മാഷിന് അഭിനന്ദനങ്ങള്‍

കഴിഞ്ഞ ക്ലസ്റ്ററിന് ശ്രീ രമേശന്‍ മാസ്റ്റര്‍ അവതരിപ്പിച്ച ടോപ്പിക്കാണ് സര്‍ക്യൂട്ടുകള്‍ ശ്രേണീരീതിയില്‍ ,സമാന്തരരീതിയില്‍ എന്നത് . പത്താം ക്ലാസ് ഫിസിക്സിലെ രണ്ട് അദ്ധ്യായങ്ങളെ ബന്ധപ്പെടുത്തിയുള്ള ടോപ്പിക്കായിരുന്നു അത് . കാണാപ്പാഠം പഠിച്ച് ഉത്തരമെഴുതുക എന്ന രീതിയില്‍നിന്ന് വ്യത്യസ്തമായ ഒരു പഠനാനുഭവം നല്‍കുന്ന ഒരു അദ്ധ്യാപനരീതിയായിരുന്നു അത് . ജീവിതവുമായി ബന്ധപ്പെട്ട് ഒരു പഠനരീതി. ഞങ്ങള്‍ അത് സ്കൂളില്‍ അവതരിപ്പിച്ചപ്പോള്‍ കുട്ടികള്‍ക്കും അത് ഏറെ ഇഷ്ടപ്പെട്ടു. പ്രത്യേകിച്ച് പെണ്‍കുട്ടികളെ സംബന്ധിച്ച് ഫേസ് , ന്യൂട്രല്‍ എന്നിവയെക്കുറീച്ച് അവര്‍ക്ക് പ്രായോഗിക ജീവിതത്തില്‍ വ്യക്തമാ‍യ കാഴ്ചപ്പാട് ഇല്ലായിരുന്നു.അവര്‍ക്ക് ഇത് ഒട്ടേറെ ഗുണം നല്‍കി . ആ മാസത്തെ ക്ലസ്റ്ററില്‍ ഇത് അവതരിപ്പിച്ചു. അദ്ധ്യാപകരില്‍ നിന്ന് ഏറെ പ്രശംസ ഇതിന് നേടാനായി എന്നകാര്യമാണ് ഈ പരീക്ഷണത്തെക്കുറിച്ച് പറയാനുള്ളത് . ഒട്ടനവധി സി.ഒ കള്‍ ഈയൊരു പരീക്ഷണം വഴി പഠിപ്പിക്കാന്‍ കഴിയും എന്നത് ഏറെ പ്രതീക്ഷ നല്‍കുന്നു. ഇനി രമേശന്‍ മാഷിനെ സംബന്ധിച്ച് പറയുകയാണെങ്കില്‍ ; അദ്ദേഹം അഷ്ടമിച്ചിറ ഗാന്ധി സ്മാരക ഹൈസ്കൂളിലെ ഫിസിസ്ക് അദ്ധ്യാപകനാണ് . ഇപ്പോള്‍ ഒ.എസ്.എസ്സില്‍ ( ഓണ്‍ സൈറ്റ് സപ്പോര്‍ട്ട് - ) ഡപ്യൂട്ടേഷനിലാണ് . മാഷിനെ സംബന്ധിച്ചു പറയുകയാണെങ്കില്‍ ലളിതവും ഏതൊരദ്ധ്യാപകനും പ്രാവര്‍ത്തികമാക്കുവാന്‍ കഴിയുന്ന പഠനരീതികളുമായാണ് മാഷ് അദ്ധ്യാപനപരിശീലന കേന്ദ്രത്തില്‍ വരിക. അതായത് അവ നമുക്ക് ചെലവുകുറഞ്ഞ രീതിയില്‍ നിര്‍മ്മിക്കാന്‍ കഴിയൂമെന്നര്‍ഥം . മാഷുടെ ഇ മെയില്‍ അഡ്രസ്സ് ഇവിടെ കൊടുക്കുന്നു ramesh_pullelil@yahoo.co.in രമേഷ് മാഷിന്റെ ബ്ലോഗ് അഡ്രസ്സ് താഴെ കൊടുക്കുന്നു http://rameshpullelil.blogspot.com ഇനി അടുത്തതായി ഈ വിഷയത്തെക്കുറിച്ച് കലൂരില്‍ നിന്ന് ശ്രീ ഉണ്ണികൃഷ്ണന്‍ ഒരു ഇ -മെയില്‍ അയച്ചിരുന്നു. അദ്ദേഹം ഇത് പ്രാക്റ്റിക്കലായി ചെയ്തതിനെക്കുറിച്ചാണ് അത് . അത് ബ്ലോഗില്‍ പ്രസിദ്ധീകരിക്കാനായി അദ്ദേഹത്തോട് അനുവാദം ചോദിച്ചിട്ടുണ്ട് . അനുവാദം ലഭിച്ചാല്‍ അത് പ്രസിദ്ധീകരീക്കുന്നതാണ് . രസകരമായ ഒരു പ്രാക്ടിക്കല്‍ റിപ്പോര്‍ട്ട് ആണ് അത് . ഇനി ഏതാനും ഫോട്ടോസ് കൂടി ; ശ്രേണീരീതില്‍ ഫ്ലെയിം ബള്‍ബ് , എല്‍.ഇ.ഡി എന്നിവ കണക്ട് ചെയ്തപ്പോള്‍ എടുത്തതാ‍ണ് ഒന്നുനോക്കൂ. മൂന്ന് 15 വാട്ട് ബള്‍ബ് സീരീസില്‍ രണ്ട് 15 വാട്ട് ബള്‍ബ് ഒരു 1വാട്ട് എല്‍.ഇ.ഡി സീരീസില്‍ ( അതില്‍ 15 വാട്ട് ബള്‍ബിന്റെ പ്രകാശം ശ്രദ്ധിക്കൂ അത് കുറവല്ലേ ?) ഒരു 15 വാട്ട് ബള്‍ബ് ഒരു 40 വാട്ട് ബള്‍ബ് ഒരു 3 വാട്ട് ഫ്ലെയിം ബള്‍ബ് സീരീസില്‍ രണ്ട് 15 വാട്ട് ബള്‍ബ് ഒരു 3 വാട്ട് വാട്ട് ഫ്ലെയിം ബള്‍ബ് സീരീസില്‍
Get Blogger Falling Objects